گہرے زخموں سے منٹوں میں خون روکنے والا آلہ

ناٹنگھم، برطانیہ: حادثوں اور خصوصاً تیز دھار آلے سے لگنے والے گہرے گھاؤ سے خون اتنی تیزی سے بہتا ہے کہ اسے روکنے میں ناکامی پر انسانی جان ضائع ہوجاتی ہے۔ اب ایک طالبعلم کے تیارکردہ نظام سے گہرے زخموں سے خون کے بہاؤ کو روکنا منٹوں میں ممکن ہوتا ہے۔لوبورویونیورسٹی ایک طالبعلم نے ایک انقلابی آلہ بنایا ہے جو ایک نرم پیڈ کی طرح ہے اور گھاؤ میں داخل ہوکر پھیل کر خون کو روکتا ہے۔ اس طرح ہسپتال پہنچانے یا پھر ایمبولینس کی آمد تک خون کا بہاؤ روکا جاسکتا ہے۔ یہ نظام کسی کارک کی طرح صرف پانچ منٹ میں گہرے ترین زخم سے بھی لہو کا رساؤ بند کرسکتا ہے۔